ABŞ-nin Respublikaçılar Partiyasından prezidentliyə namizəd Donald Tramp rəqibi Kamala Harrisi tənqid edərkən Qarabağı "Artsax" kimi qələmə verib.

Sfera.az xəbər verir ki, Tramp bu barədə özünə məxsus olan "Truth Social" sosial şəbəkəsində yazıb.

O, hətta 120 min erməninin Qarabağdan zorla köçürüldüyünü iddia edib:

“120 min xristian erməni “Artsax”da dəhşətli şəkildə təqib ediləndə və zorla köçkün düşəndə Kamala Harris heç bir şey etməyib. Kamala Harris ABŞ-nin prezidenti olarsa, dünyadakı xristianlar təhlükədə olacaqlar. Mən prezident olsam, təqib olunan xristianları müdafiə edəcəyəm, zorakılığı və etnik təmizləməni dayandıracağam. Ermənistanla Azərbaycan arasında sülhü bərpa edəcəyəm”.

Xatırladaq ki, 2020-ci ildə 44 günlük müharibə zamanı Donald Tramp ABŞ prezidenti olub.

Firuzə Əliyeva