Bununla bağlı Sfera.az-a açıqlama verən politoloq Məhəmməd Əsədullazadə deyib ki, Rusiyanın sülhməramlı fəaliyyəti dörd ildən sonra ciddi problemlə üzləşəcək. Onun sözlərinə görə,  Azərbaycan dörd ildən sonra sülhməramlı qüvvələrin fəaliyyətinin sonlandırılmasını tələb edəcək:

"Bu da yeni gərginliyə yol açacaq. Əks təqdirdə, Rusiyanın qarşısında əsas şərt irəli sürüləcək. Birinci, silahlı erməni birləşmələri ləğv edilir. İkinci, Laçın dəhlizində Azərbaycan postu yaradılır. Üçüncü, separatçı rejim ləğv edilməlidir. Əgər Rusiya bu şərtlərə əməl etməzsə, Azərbaycana qarşı yeni təhlükə olacaq. Rusiya buradan bizə qarşı erməni təxribatlarına rəvac verəcək”.

Müsahibimiz bildirib ki, sülhməramlı qüvvələrin hazırkı missiyası bir il ərzində yalnız erməni separatizmini müdafiə etmək olub:

"Eyni zamanda silahlı erməni birləşmələrini Azərbaycanın təzyiqindən qoruyublar. Bu da ölkəmizə qarşı birmənalı olaraq sülhməramlı qüvvələrinin fəaliyyətini əks etdirir. Post-Putin dövründə Azərbaycan və Rusiya əlaqələrində problemlərin ortaya çıxması da istisna deyil. Ona görə də sülhməramlı qüvvələrlə bağlı ciddi şəkildə planımız olmalıdır”.