Qərb Rusiyaya inam olmayacağını anladı - Ukrayna yenidən “nüvə klubu”na üzv edilir?

Siyasət 15 Aprel 2021 | 17:03

OXUNUB: 1280

"Ukraynanın Almaniyadakı səfiri Andrey Melnik deyib ki, Qərb ölkələri Ukraynaya nüvə statusunun qaytarılması barədə düşünməlidir. Böyük ehtimalla Kiyev səfirinin açıqlaması vasitəsilə Qərb ölkələrinin nəbzini yoxlayır”.

Sfera.az-ın məlumatına görə, bunu "Atlas” Araşdırmalar Mərkəzinin rəhbəri Elxan Şahinoğlu deyib.

Politoloq xatırladıb ki, Ukrayna nüvə silahından SSRİ dağıldıqdan 3 il sonra - 1994-cü ildə imtina edib:

"Qərb düşünürdü ki, SSRİ dağıldıqdan sonra təhlükəsizlik baxımından nüvə silahı keçmiş respublikalardan yalnız Rusiyada olmalıdır. ABŞ, Britaniya və Rusiya Ukraynanın nüvə silahından imtina etməsi qarşılığında təhlükəsizliyinə zəmanət vermişdi.

Rusiya zəmanətin üstündən xətt çəkərək 2014-cü ildə Krımı ilhaq etdi. Krımın ilhaqı göstərdi ki, Rusiyanın zəmanətinə aldanmaq lazım deyildi. Nə Kiyev, nə də Vaşinqton uzaqgörən oldular. Ukrayna nüvə silahından imtina etməsəydi, Rusiya Krımın ilhaqına risk etməzdi”.

E.Şahinoğlu qeyd edib ki, Ukraynanın yenidən nüvə dövləti statusunu geri alması problematikdir:

"Qərb ölkələri Ukraynanı müttəfiq kimi dəyərləndirsələr də, "nüvə klubu”na yeni dövlətin üzv olmasına dəstək verməzlər”.

Türkan

Sfera.az

Sosial şəbəkələrdə paylaşın:

Bizim Telegram kanalımıza abunə olun

Şərh yaz

Xəbər haqqında fikirlərinizi yazın

Şahin

5 MART 2022 | 14:28

Təşəkkür edirəm cavaba görə. Avadanlığının və konstruksiyanın tərifi nədir zəhmət deyilsə bu barədə məlumat verərdiniz.

Emil

5 MART 2022 | 14:28

Piyada kecidin gözlemeden kecmeyin cerimesi

DAHA ÇOX

OXŞAR YAZILAR

Sankt-Peterburq metrosuna çirkli və pis qoxulu paltarlarla girənlər cərimələnəcəklər