"Bu gün ölkələrimiz arasında siyasi, humanitar, idman sahələrində artıq yaxşı münasibətlərin formatı qurulub."
Sfera.az xəbər verir ki, bu barədə Qafqaz-İberoamerika Düşüncə Mərkəzinin sədri Mahir Qurbanov Kubanın tanınmış "Radio Habana Cuba" xəbər portalına videomüsahibə verib.
Məlumatda deyilir:
"Bizim xalqlarımız və ölkələrimiz arasında münasibətlər inkişaf edir. Bu münasibətlər ticari-iqtisadi, səhiyyə, təhsil, elm, humanitar, mədəniyyət, biotexnologiyalar, idman sahələrində əməkdaşlıq yüksək səviyyədədir.
Kuba Prezidenti Azərbaycana səfər edərkən, hər iki dövlət başçılarının görüşü olub. Bu dostluq münasibətləri gündən-günə inkişaf edir! Hətta, COVID-19-a qarşı birgə mübarizə aparmaq məqsədilə gələn xarici mütəxəssislərin bir qrupu da Kubadan idi.
Qeyd edək ki, Kubanın tibb sahəsində geniş təcrübəsi var".
Sonda isə Mahir Qurbanov Azərbaycan və Kuba arasında əlaqələrinin keyfiyyətcə yeni müstəviyə keçəcəyini qeyd edib.