Sfera.az xəbər verir ki, bu fikirləri Milli Məclisin deputatı Könül Nurullayeva bildirib.

Deputat qeyd edib ki, Ermənistan-Azərbaycan müharibəsi zamanı İtaliya hər zaman Azərbaycanın yanında olub, bu ölkənin parlament qrupu Azərbaycana səfər edib. İtaliyalı parlamentarilər Ermənistanın müharibə cinayətləri ilə yerində tanış olublar. Xatırlatmaq yerinə düşər ki, 1992-1993-cü illərdə İtaliya indiki ATƏT-in Minsk qrupu çərçivəsində münaqişənin nizamlanması istiqamətində danışıqlar prosesinə cəlb olunub. Ümumiyyətlə, Azərbaycan-İtaliya münasibətləri hər zaman yüksək səviyyədə olub. Qarşılıqlı səfərlər əməkdaşlıq üçün yeni imkanlar yaradıb.

K.Nurullayeva əlavə edib ki, xüsusilə Heydər Əliyev Fondunun dəstəyi ilə Romanın Kapitolini Muzeyində təmir-bərpa işlərinin həyata keçirilməsi əməkdaşlığa əlavə töhfələr verib.

Deputat deyib: "Prezident İlham Əliyevin də bəyan etdiyi kimi, Azərbaycan özü layihələri maliyyələşdirəcək, amma rəsmi Bakı dost ölkələrin şirkətlərinin həm bu prosesdə iştirakında, həm də həmrəylik nümayiş etdirməsində maraqlıdır. Biz dostlarımızla sona qədər etibarlı və uzunmüddətli əməkdaşlığı davam etdirmək niyyətindəyik”.