Bilirubinin miqdarının artması nəticəsində yaranan Gilbert sindromu bəzən sarılıqla qarışdırıla bilər. Gilbert sindromu və sarılıq eyni şey deyil, lakin onların arasında əlaqə var. Bu sindrom ciddi qaraciyər xəstəliyi və ya digər sağlamlıq problemləri ilə qarışdırılmamalıdır.

Gilbert sindromu genetik bir vəziyyətdir və qaraciyərin bilirubini emal etmək qabiliyyətinin pozulması nəticəsində yaranır. Bu, tez-tez bilirubinin səviyyəsinin bir qədər yüksəlməsinə səbəb ola bilər, nəticədə yüngül sarılıq yaranır.

Gilbert sindromu 1900-cü illərin əvvəllərində fransız həkimi Augustin Gilbert tərəfindən təsvir edilmişdir. Beləliklə, xəstəlik onun adını daşımağa başlayıb.

Gilbert sindromunun səbəbləri bunlardır:

Genetik faktorlar irsi

Gilbert sindromu genetik bir vəziyyətdir və adətən ailələrdə olur. UGT1A1 genindəki mutasiyalar bu vəziyyətə səbəb olur.

Bilirubin mübadiləsində pozğunluq

Qaraciyər bilirubini düzgün emal etməkdə çətinlik çəkir. Bu vəziyyət qanda bilirubinin səviyyəsinin artmasına səbəb olur və yüngül sarılıq yaradır.

Yüngül stress və dəyişikliklər

Stress faktorları: aclıq, həddindən artıq məşq, susuzluq Gilbert sindromu olan şəxslərdə müvəqqəti olaraq bilirubinin səviyyəsini artıra bilər. Bu sindrom, ümumiyyətlə zərərsiz bir vəziyyət hesab olunur və müalicə tələb etmir. Adətən yüngül formada olur və aşkar simptomları yoxdur. Ancaq bəzi insanlarda aşağıdakı simptomlar görünə bilər:

Yüngül sarılıq

Dərinin və gözlərin sararması: yüksək bilirubin səviyyəsi dərinin və göz ağlarının yüngül sarı rəngə çevrilməsinə səbəb ola bilər. Bu adətən müvəqqəti və yüngül olur.

Yorğunluq

Yüngül yorğunluq hissi: bəzi insanlar Gilbert sindromu səbəbiylə yorğunluq hissi keçirə bilər. Ancaq bu, çox vaxt açıq-aşkar olmur və başqa səbəblərdən də ola bilər.

Ülkər Abdurahmanlı