İndoneziyanın Hərbi Hava Qüvvələrinə məxsus qırıcı təyyarəsi qəzaya uğrayıb. Avtosfer.az xəbər verir ki, hadisə iyunun 15-də səhər saatlarında Sumatra adasının Riau əyalətində qeydə alınıb. Bu barədə “Jakarta Post” nəşri məlumat yayıb.

Məlumata görə, Pekanburu şəhərində yerləşən “Rusmin Huriyadin” aviabazasından havaya qalxan “Hawk 209” tipli təyyarə naməlum səbəblərdən Kubanq Djaya kəndində yaşayış evlərinin üzərinə düşüb.

Bildirilir ki, hava gəmisinin pilotu katapult edə bilib.

Təyyarənin qəzaya uğradığı ərazidə xəsarət alanlar və ya ölənlər barədə məlumat verilmir.

Hazırda hadisənin təfərrüatları araşdırılır.

Namiq Musayev