Dəhşətli qəzanın kadrları təhlükəsizlik kamerasının obyektivinə düşüb. Avtosfer.az xəbər verir ki, hadisə Rusiyanın paytaxtında, Moskva Dairəvi Avtomobil Yolunda qeydə alınıb.

Videoda, hərəkətin intensiv olduğu bir vaxtda yolun ortasında qara rəngli avtomobilin dayandığı və qəfildən içərisindən bir qadının düşərək yolun sağına qaçdığı görülür. Bu zaman hərəkətdə olan başqa bir maşın onu vurur. Zərbənin təsirindən əks zolağa düşən qadının üzərindən avtomobil keçir.

Bildirilir ki, qadın aldığı xəsarətlərdən hadisə yerində dünyasını dəyişib.

Namiq Musayev