Türkiyənin İstanbul şəhərində oğurluq edən qarətçinin pişikdən qorxma görüntüləri təhlükəsizlik kamerasına düşüb. Avtosfer.az İHA-ya istinadən xəbər verir ki, hadisə Zeytinburnu rayonunda qeydə alınıb.

Kadrlarda, qarətçinin əvvəlcə yerə düşən çörəyi götürərək masanın üstünə qoyduğu və bir müddət içəridə axtarış apardıqdan sonra kresloda uzanan pişiyin anidən kənara sıçraması ilə  diksindiyi görülür.

Bildirilir ki, gecə saatlarında mobil telefon aksesuarları fabrikinə daxil olan naməlum şəxs oradan 150 min lirə (36,600 azn) dəyərində elektron malları oğurlayaraq hadisə yerindən qaçıb.

Polis onun yaxalanması istiqamətində əməliyyat-axtarış tədbirlərinə başlayıb.

Namiq Musayev