Türkiyənin Bursa vilayətində metroda platformadan relslərin üzərinə yıxılan gəncin görüntüləri təhlükəsizlik kamerasına düşüb. Avtosfer.az DHA-ya istinadən xəbər verir ki, insident “Arabayatağı” metro stansiyasında qeydə alınıb.

Məlumata görə, 21 yaşlı Yusif Kart evə getmək məqsədi ilə metro stansiyasına gəlib və qatara minmək üçün platformada irəliləməyə başlayıb. Bir müddət sonra isə Yusifin halı pisləşib və o,  müvazinətini itirərək relslərin üzərinə yıxılıb. Gənc oğlan ətrafdakı sərnişinlərin köməkliyi ilə qatar gəlmədən relslərin üzərindən platformaya qaldırılıb. Yusif Kart, hadisə yerinə çağırılan ambulansla xəstəxanaya çatdırılıb. Həkimlər onun səhhətinin normal olduğunu bildiriblər.

Namiq Musayev