Yakutiyada sərxoş sürücünün qəza törətmə görüntüləri təhlükəsizlik kamerasına düşüb. Avtosfer.az xəbər verir ki, insident aprelin 18-də axşam saatlarında qeydə alınıb. 

Kadrlarda, yol kəsişməsində qarşı tərəfdə svetoforun qırmızı işığının yandığı və yolun digər hərəkət iştirakçılarının hərəkətə gəldiyi görülür. Bu zaman qarşı yolda işıqforun qırmızı işığının yanmasına baxmayaraq yüksək sürətlə irəliləyən “Toyota Corolla” markalı minik avtomobili “Nissan” markalı minik maşınına çırpılır.

Yerli KİV-in məlumatına görə, qəza nəticəsində biri 6 yaşlı qız olmaqla 3 nəfər müxtəlif dərəcəli bədən xəsarətləri alıb.

Hadisə yerinə çağırılan polis əməkdaşları qəzaya səbəb olan sürücünün sərxoş olduğunu müəyyən ediblər.

Asayiş keşikçiləri onun barəsində inzibati qaydada protokol tərtib ediblər.

Namiq Musayev