Dağıstanda hüquq-mühafizə orqanları əməkdaşlarının iştirakı ilə baş verən atışmanın görüntüləri sosial şəbəkədə yayımlanıb. Avtosfer.az xəbər verir ki, insident aprelin 16-da Tabasaransk rayonu ərazisində qeydə alınıb.

Respublikanın Daxili İşlər Nazirliyinin Mətbuat Xidmətindən verilən məlumata görə, polislər “VAZ” markalı avtomobili saxlamağa cəhd ediblər, lakin sürücü onlara atəş açıb və güllələrin bir neçəsi patrul maşınına tuş gəlib. 

Bildirilir ki, hadisə zamanı əməkdaşlardan ölən və ya xəsarət alan olmayıb, cinayətkar isə cavab atəşi ilə öldürülüb.

Avtomobilə baxış zamanı salondan avtomatik silah və ağ rəngli toz aşkarlanıb.

Ölən cinayətkarın şəxsiyyəti müəyyənləşdirilir.

Namiq Musayev