Qeyri-adi obrazları ilə məşhur olan bloger Pavel Petel avtomobil qəzasında dünyasını dəyişib. Avtosfer.az xəbər verir ki, insident aprelin 4-də Moskva əyalətinin Podolsk şəhəri ərazisində qeydə alınıb. Bu barədə “RenTV” məlumat yayıb.

Məlumata görə, Simferopolsk şosesində 200 kilometr saatla  idarə olunan “Mercedes” markalı minik avtomobili, sürücünün idarəetməsindən çıxaraq yanacaq doldurma məntəqəsində dayanan “Volvo” markalı TIR-a arxadan çırpılıb. Zərbənin təsirindən “Mercedes” yarıya kimi yük maşınının altına girib.

Nəticədə bloger və 2 nəfər aldığı xəsarətlərdən hadisə yerində dünyasını dəyişib, daha bir nəfər isə xəstəxanaya yerləşdirilib.

Bildirilir ki, “Mercedes”in sükanı arxasında Pavel Petelin özü yox, 16 yaşlı yeniyetmə olub.

Faktla bağlı araşdırmalara başlanılıb.

Namiq Musayev