Pakistanda yol-nəqliyyat hadisəsi nəticəsində sıxılmış qazla dolu sistern aşıb və ətrafa yayılan qaz yanğına səbəb olub. Avtosfer.az xəbər verir ki, insident martın 25-də Lahor şəhərində qeydə alınıb. Bu barədə “Samaa” nəşri məlumat yayıb.

Nəşrin məlumatına görə, qəza yanacaqdoldurma məntəqəsi yaxınlığında baş verib. Sıxılmış qaz dolu yük maşını qəza səbəbindən aşıb, sonra sızma olub və qaz 1000 kvadratmetr əraziyə yayılıb. Daha sonra alışıb. Yanğın yanacaqdoldurma məntəqəsini, bir neçə binanı, 70-ə yaxın motosiklet və mopedi, habelə 4 avtobusu bürüyüb.

Bildirilir ki, yanğın 1 saatdan sonra söndürülüb. Hadisə zamanı 10-dan çox insan yanıq xəsarətləri alıb.

Polis yük maşının sürücüsünü həbs edib.

Faktla bağlı cinayət işi açılıb.

Namiq Musayev