Ağstafa rayonunda 1 nəfərin ölümü, 3 nəfərin də xəsarət alması ilə nəticələnən yol-nəqliyyat hadisəsi baş verib. Daxili İşlər Nazirliyinin Mətbuat Xidmətindən Avtosfer.az-a verilən məlumata görə, fevralın 14-də saat 19 radələrində Ağstafa rayonunun Sadıqlı kəndi ərazisində rayon sakini F.İsmayılov idarə etdiyi “VAZ-2106” markalı avtomobili aşırıb. Nəticədə sürücü və sərnişinləri - anası Sara, arvadı və qızı xəstəxanaya yerləşdirilib. Ancaq həkimlərin bütün səylərinə baxmayaraq Saranın həyatını xilas etmək mümkün olmayıb.

Ağstafa RPŞ tərəfindən araşdırma aparılır.

Namiq Musayev