ABŞ-da qəza nəticəsində minik avtomobilinin havada uçma görüntüləri təhlükəsizlik kameralarına düşüb. Avtosfer.az xəbər verir ki, insident Kaliforniya ştatında qeydə alınıb. Bu barədə “Daily Mail” portalı məlumata yayıb.

Kadrlarda, yüksək sürətlə “BMW”nin hərəkətdə olduğu və yolların kəsişməsindəki dairənin daşlarına dəyərək havalandığı görülür.

Bildirilir ki, Marisela Ovallenin avtomobili yerə enərkən digər nəqliyyat vasitələrinə də ziyan vurub. Nəticədə qadın sürücü salonu sərbəst şəkildə tərk edib.

Şahidin sözlərinə görə, 27 yaşlı qadın içkili olub və hətta o, nə baş verdiyinin fərqində belə olmayıb.

Hadisə yerinə polis əməkdaşları cəlb edilib, araşdırmalara başlanılıb. 

Namiq Musayev