Kolumbiyanın paytaxtı Boqotada avtobusun və yük maşınının iştirakı ilə ağır yol-nəqliyyat hadisəsi baş verib. Avtosfer.az xəbər verir ki, hadisə El-Rosal bələdiyyəsi ərazisində qeydə alınıb. Bu barədə ötən gün “El Tiempo” qəzeti məlumat verib.

Nəşrin məlumatına görə, Boqotadan Medelina şəhəri istiqamətində hərəkət edən sərnişin avtobusu, naməlum səbəblərdən park olunmuş yük maşınına çırpılıb. Nəticədə iki nəfər hadisə yerində vəfat edib, daha 34-ü isə müxtəlif dərəcəli bədən xəsarətləri alıb. Yaralılar yaxınlıqdakı xəstəxanalara çatdırılıblar.

Müvafiq qurumlar insidentin baş vermə səbəblərini araşdırır.

Namiq Musayev