Adıqeya Respublikasında 20 avtomobilin iştirakı ilə yol-nəqliyyat hadisəsi baş verib. Avtosfer.az yerli KİV-ə istinadən xəbər verir ki, insident yanvarın 17-də səhərə saatlarında M-4 “Don” Federal avtomagistralında qeydə alınıb.

Məlumata görə, havanın qatı duman və yolun buzlu olması səbəbindən 20 avtomobil biri-birinə çırpılıb. Nəticədə 1 nəfər vəfat edib, daha 4-ü isə xəsarət alıb.

Yaralılar, hadisə yerinə çağırılan “təcili tibbi yardım” maşınları ilə ətrafda yerləşən xəstəxanalara çatdırılıblar.

Qəza baş verən əraziyə Yol Patrul Xidmətinin, xilasetmə briqadalarının əməkdaşları cəlb edilib.

Namiq Musayev