Rusiyanın Ryazan əyalətində iki minik avtomobilinin iştirakı ilə ağır yol-nəqliyyat hadisəsi baş verib. Avtosfer.az “RİA Novosti”yə istinadən məlumat verir ki, qəza yanvarın 12-də gecə saatlarında “Moskva-Astraxan” avtomagistralının 386-cı kilometrliyində qeydə alınıb.

Məlumata görə, “LADA Largus” markalı minik avtomobili naməlum səbəblərdən “Hyundai Solaris”lə toqquşub. Nəticədə 3 nəfər ölüb, daha 8 nəfər isə xəsarət alıb.

Yaralılar, hadisə yerinə çağırılan ambulanslarla xəstəxanaya çatdırılıblar.

Faktla bağlı araşdırmalara başlanılıb.

Namiq Musayev