Tailandda silahlı şəxs zərgərlik mağazasını qarət edən zaman 3 nəfəri qətlə yetirib. Avtosfer.az “Rossiya 24” telekanalına istinadən xəbər verir ki, insident Banqkok yaxınlığında baş verib.

Məlumata görə, maskalı şəxs əvvəlcə mağazanın mühafizəçisini güllələyib, sonra da sağa-sola atəş açıb. Nəticədə biri iki yaşlı uşaq olmaqla 3 nəfər ölüb, daha 3 nəfər isə xəstəxanaya yerləşdirilib. 

Cinayətkar hadisə yerindən qaçarkən, mağazadan qızıl-zinət əşyaları da götürüb.

Hüquq-mühafizə orqanları tərəfindən araşdırmalara başlanılıb.

Namiq Musayev