Fransanın ikinci divizionunda iştirak edən “Qenqam” futbol klubunun hücumçusu Natael Julan avtomobil qəzası nəticəsində dünyasını dəyişib. Avtosfer.az xəbər verir ki, bu barədə klubun “Tvitter” hesabında məlumat yer alıb.

Məlumata görə, 23 yaşlı futbolçu idarə etdiyi avtomobillə, hərəkətdə olan zaman naməlum səbəblərdən idarəetməni itirərək yoldan çıxıb.

Bildirilir ki, qəza futbolçunun məşqdən evə qayıdan zaman baş verib. Onun komanda yoldaşlarından biri hadisənin şahidi olub. Klub rəhbərliyi Natael Julanın yaxınlarına başsağlığı verib.

Qeyd edək ki, Julan “Qenqam” futbol klubunda 2018-ci ilin yanvar ayından çıxış edir. Bu mövsümdə futbolçu iki oyun keçirib (biri çempionatda və biri isə Fransa liqa kubokunda).

Julanın ilk klubu “Qavr” olub.

Namiq Musayev