Türkiyənin Diyarbəkir vilayətində məhkum 10 il əvvəl öldürdüyü şəxsin qardaşı tərəfindən başından tapança ilə vurulub. Avtosfer.az yerli KİV-ə istinadən məlumat verir ki, hadisə Qaynarpınar rayonunda baş verib.

Əldə olunan məlumata görə, vurulan Şehmus Qızıl 10 il əvvəl öldürdüyü şəxsin qardaşı Bayram Y. tərəfindən qan davası səbəbindən vurulduğu məlum olub.

Bildirilir ki, cəza çəkmə müəssisəsindən icazəli olaraq buraxılan Şehmus Qızıl bacısının evində gecələyib. Səhər saatlarında bacısı ilə birlikdə evdən çıxan Şehmus Qızıl qapının qarşısında qan davalı olduğu Bayram Y. tərəfindən tapança ilə başından vurulub. Nəticədə başından ağır yaralanan Şehmuz xəstəxanaya çatdırılıb.

Polis hadisə yerindən qaçan Bayram Y.-nin yaxalanması üçün əməliyyat-axtarış tədbirlərinə başlayıb.

Namiq Musayev