Türkiyənin Çankırı vilayətində avtobusun və TIR-ın iştirakı ilə ağır yolə qəzası baş verib. Avtosfer.az yerli KİV-ə istinadən xəbər verir ki, insident dekabrın 30-da səhər saatlarında İlgaz rayonu ərazisində qeydə alınıb.

Məlumata görə, Tbilisi – İstanbul reysi ilə hərəkət edən M.B.-nin (51) idarə etdiyi 61 S 1418 qeydiyyat nömrə nişanlı avtobus, idarəetmədən çıxaraq qarşıda hərəkətdə olan K.A.-nın idarə etdiyi 33 VFR 84 qeydiyyat nişanlı TIR-a arxadan çırpılıb.

Nəticədə avtobusun salonunda 22-si xarici vətəndaş olmaqla 31 nəfər xəsarət alıb.

Yaralılar, hadisə yerinə çağırılan ambulanslarla Çankırı və Ilqazda yerləşən xəstəxanalara çatdırılıblar. Müalicə üçün palataya yerləşdirilən yaralılardan 4-ün vəziyyətinin ağır olduğu bildirilib. 

Son məlumatlara görə, ağır yaralılardan Köksal Turan (25), həkimlərin bütün müdaxilələrinə baxmayaraq onun həyatını xilas etmək mümkün olmayıb.

Polis faktla bağlı təhqiqatlara başlayıb.

Namiq Musayev