“Xaliq Faiqoğlu” şirkəti avtobus parkının yenilənməsi istiqamətində ardıcıl layihələr icra edir. Bu məqsədlə şirkətlə “Paşa Bank” ASC arasında imzalanmış irihəcmli kredit müqaviləsinin ilk mərhələsinin icrası çərçivəsində Türkiyənin “Anadolu İsuzu” şirkətindən alınmış 25 ədəd 12 metrlik “İsuzu Citiport” markalı avtobusların təqdimat mərasimi keçirilib.
Avtosfer.az xəbər verir ki, tədbirdə Türkiyə Respublikasının ölkəmizdəki səfiri Erkan Özoral, “Anadolu İsuzu” şirkətinin rəhbərliyi, Bakı Nəqliyyat Agentliyinin və digər dövlət qurumlarının nümayəndələri, eləcə də “Xaliq Faiqoğlu” şirkətinin heyəti iştirak edib.