Ekvadorda qaldırıcı kranla gəmiyə konteyner yükləmək istəyən işçilər təhlükəli anlar yaşayıblar. Avtosfer.az xəbər verir ki, insident San-Kristobal adasının Puetro-Bakeriso-Moreno şəhərində baş verib. Hadisənin görüntüləri təhlükəsizlik kamerasına düşüb.

Kadrlarda, kranla qaldırılan konteyneri gəminin yük yerinə yerləşdirildiyi, lakin konteynerin ağırlığına tab gətirə bilməyən gəminin çevrildiyi, kranın isə suya düşdüyü görülür. Qəza zamanı gəmidə olan işçilər və kranda olan operator suya tullanaraq ölümdən son anda xilas olurlar.

Bildirilir ki, qəza zamanı ciddi xəsarət alan olmayıb.

Namiq Musayev