Rusiyada Moskva ətrafı “Lobnya - Şeremetıev” avtomagistralında 5 nəqliyyat vasitəsinin iştirakı ilə baş verən qəzanın görüntüləri təhlükəsizlik kamerasına düşüb. Avtosfer.az xəbər verir ki, hadisə Solneçnoqorsk şəhər dairəsinin Nosovo kəndi ərazisində qeydə alınıb.

Kadrlarda, yanacaq daşıyan “QAZ” markalı maşının sürücüsü sola dönmək istəyir, bu arada sürətlə hərəkətdə olan “Volvo S40” və “Mazda СХ-5” markalı avtomobillərlə toqquşur.

Zərbənin təsirindən idarəetmədən çıxan “Volvo” yük maşınına, “Mazda” isə əks yol çıxaraq “Audi A3” və “Ford Focus” markalı avtomobillərə çırpılır.

Bildirilir ki, qəza nəticəsində “Mazda”nın salonunda olan 7 yaşlı uşaq xəsarətlər alıb.

Namiq Musayev