Salyanda piyadanın vurulması ilə nəticələnən yol-nəqliyyat hadisəsi baş verib.

Avtosfer.az">Avtosfer.az "Report"a istinadən xəbər verir ki, hadisə axşam saatlaında Salyan-Şirvan avtomobil yolunun rayonun Noxudlu kəndi ərazisindən keçən hissəsində qeydə alınıb.

Belə ki, Şirvan şəhər sakini, 1965-ci il təvəllüdlü Quliyev Süleyman Yusif oğlu yolu keçən zaman "Mercedes" markalı avtomobil onu vurub. Nəticədə müxtəlif dərəcəli bədən xəsarətləri alan yaralı Salyan rayon Mərkəzi Xəstəxanasına yerləşdirilib.

Faktla bağlı araşdırma aparılır.