Bakıda iki nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az xəbər verir ki, hadisə paytaxtın Nizami rayonunda yerləşən Ruslan marketin yaxınlığında qeydə alınıb.

Məlumata görə, qəza zamanı 1952-ci il təvəllüdlü Yolçuyev Nizami Nüsrət oğlu və onun həyat yoldaşı 1953-cü il təvəllüdlü Yolçuyeva Nüşabə Qafar qızı xəsarət alıblar.

Yaralılar təcili tibbi yardım briqadasının köməkliyi ilə xəstəxanaya çatdırılıblar. Yolçuyev Nizamiyə döş qəfəsinin əzilməsi, Yolçuyeva Nüşabəyə isə hər iki biləyin sınığı diaqnozu qoyulub.