Bakıda xəsarətlə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə Binəqədi rayonu, Səttar Bəhlulzadə küçəsində qeydə alınıb.

Həmin küçədəki mənzildə yaşayan eşitmə və danışma qüsurlu 1988-ci il təvəllüdlü Şirinov Sərxan Afət oğlu evlərinin yaxınlığında yolu keçərkən onu avtomobil vurub. Yaralı təcili yardım maşını vasitəsilə xəstəxanaya çatdırılıb və ona qapalı kəllə-beyin travması diaqnozu qoyulub.

Faktla bağlı araşdırma aparılır.