Ölkəmizdə Aşura günü ilə bağlı keçirilən tədbirlərə yol polisi əməkdaşları da cəlb olunub. Avtosfer.az xəbər verir ki, Bakı şəhəri ərazisində yerləşən məscid və ziyarətgahların yaxınlığında Çevik polis və Post patrul xidmətinin əməkdaşları ilə birlikdə yol polisi də xidmət aparıb.

YPX əməkdaşı avtobusların dayanacaqlara daxil olmasını təmin etməklə sərnişinlərin təhlükəsiz şəkildə minib-düşməsinə şərait yaradır, eləcə də piyadaların keçidlərdən istifadə etməsini təmin edir.

Keçid olmayan ərazilərdə onların yolu təhlükəsiz keçməsi üçün xidmət aparırlar. Nəqliyyat sıxlığı yaranmasın deyə ərazilərdə bir neçə YPX əməkdaşı xidmət aparırdı. Polis əməkdaşları yolu keçməkdə çətinlik çəkən yaşlı insanlara köməklik göstərir, vətəndaşların rahat və təhlükəsiz hərəkətini təmin edirdilər. Eyni zamanda sıxlıq yaranmasına səbəb olan, avtomobili ikinci, üçüncü cərgədə saxlayan sürücülərə qarşı tədbirlər də görülürdü.

Avtosfer.az-ın əməkdaşlarının bir neçə məscidin ətrafında apardıqları araşdırmalar nəticəsində məlum oldu ki, polisin bu cür xidməti nəticəsində məscidlərin ətrafında tıxac müşahidə olunmayıb.

Elməddin