İranın qərbində yerləşən Kirmanşah vilayətində zəncirvari qəza baş verib. Hadisə nəticəsində 1 nəfər həlak olub, 4 nəfər yaralanıb. Avtosfer.az-ın Trend-ə istinadən məlumatına görə, vilayətin yol polisi rəisi Fəzlulla Şiri bildirib ki, “Paykan” markalı avtomobillə toqquşan yük maşını “Pride” markalı avtomobilin üzərinə aşıb. İranın cənubundakı Buşehr vilayətində isə 2 motosikletin toqquşması nəticəsində 2 nəfər həlak olub, 2 nəfər isə yaralanıb.

Hadisələrlə bağlı araşdırmalar aparılır.