Məşhur amerikalı aktyor Kevin Hart Kaliforniyada ağır yol qəzasında çiynindən ciddi xəsarət alıb. Avtosfer.az “TMZ” portalına istinadən xəbər verir ki, insident axşam saatlarında Malibu şəhərinin Malholland şosesində qeydə alınıb.

40 yaşlı aktyorun olduğu klassik avtomobil hərəkətdə olan vaxt sərt döngədə idarəetmədən çıxaraq ağacdan olan arakəsmələrə çırpılıb və xəndəyə aşıb. Qəzanın şiddətindən avtomobil yararsız vəziyyətə düşüb. 

Bildirilir ki, sükan arxasında aktyorun özü olmayıb. Onunla birgə daha 2 nəfər olub.

Hadisə şahidinin məlumatına görə, sərnişinlər möcüzə sayəsində sağ qalıblar.

Kevin Hart maşını iyul ayında 40 yaşı münasibətilə özünə hədiyyə almışdı.

Namiq Musayev