Türkiyənin Sivas vilayətində minik avtomobili və traktorun iştirakı ilə baş verən yol qəzasında 3 nəfər yaralanıb. Avtosfer.az yerli mətbuata istinadən xəbər verir ki, hadisə günorta saatlarında Kayseri-Sivas avtomagistralında qeydə alınıb.

Məlumata görə, Sivasdan Kayseriyə gedən F.K.-nın (33) idarə etdiyi “Audi” markalı minik maşını, qovşağa girən K.T.-nin (63) idarə etdiyi traktorla toqquşub.

Qəzanın şiddətindən traktor iki hissəyə bölünüb.

Nəticədə sürücü F.K. və həyat yoldaşı G.K. yüngül, Traktor sürücüsü isə ağır xəsarətlər alaraq xəstəxanaya çatdırılıblar.

Polis insidentlə bağlı araşdırmalara başlayıb.

Namiq Musayev