Bakı-Qazax-Gürcüstan respublikası ilə dövlət sərhədi avtomobil yolunda 90 km saat sürət təşkil olunmuş yolda, stasionar radarı 60 km saat sürətə uyğunlaşdırıblar.
Avtosfer.az xəbər verir ki, qeyd etdiyimiz problem adı çəkilən yolun 478-ci kilometrində, üzü Qırmızı Körpü istiqamətindədir.
Həmin yol yaşayış məntəqəsindən kənar yol olduğu üçün hərəkət sürəti 90 km saat sürətdir.
Çaylı kəndi ilə kəsişməyə çatmamış, hərəkət sürəti 60 km saat sürətə endirilib. Həmin yolayrıcında 60 nişanı qüvvədən düşdüyü üçün hərəkət sürəti avtomatik 90 km saat sürət olur.
Lakin yolayrıcından bir az irəlidə qurulan radar 60 km saat sürətə uyğunlaşdırılıb. Radardan sonra isə 3.25 nişanı qoyularaq 60 nişanının sonu bildirilib.

60 nişanı yolayrıcında qüvvədən düşdüyü üçün, radar 90 km saat sürətə uyğunlaşdırılmalı və radardan sonra quraşdırılan 3.25 nişanı oradan götürülməlidir.

Təbriz