Gəncədə yol-nəqliyyat hadisəsi baş verib. Hadisə Şah İsmayıl Xətai və Heydər Əliyev prospektlərinin kəsişməsində qeydə alınıb. Belə ki, 1 saylı şəhərdaxili xətt marşrutu üzrə hərəkət edən “Hyundai” markalı mikroavtobusla “Shacman” markalı yük maşını toqquşub. Qəza nəticəsində mikroavtobusun sürücüsü xəsarət alıb. Xəstəxanaya yerləşdirilən sürücünün vəziyyəti orta-ağır olaraq qiymətləndirilir.

Hadisə şahidlərinin bildirdiyinə görə, yük maşını işıqforun qırmızı işığında yolu keçərkən mikroavtobusun qarşısına çıxıb.

Xoşbəxtlikdən həmin vaxt mikroavtobusda sərnişin olmayıb.

Qəzanın təfərrüatları araşdırılır.