Türkiyənin Kütahya vilayətində baş verən ağır yol qəzasında 2 nəfər ölüb, 3 nəfər isə xəsarət alıb. Avtosfer.az yerli mətbuata istinadən xəbər verir ki, hadisə Çovdarhisar-Kütahya yolunun Bara Körpüsü istiqamətində qeydə alınıb.

Məlumata görə, İzmirin Aliağa rayonunda yaxınlarının toyundan Əskişəhərə qayıdan Ərkan Ərtunç idarə etdiyi 26 UP 586 dövlət qeydiyyat nişanlı minik avtomobili idarəetmədən çıxaraq körpünün təhlükəsizlik səddinə çırpılıb.

Qəzanın şiddətindən maşın iki hissəyə bölünüb.

Nəticədə sürücü Ərkan Ərtunç və Xədicə Ərtunç hadisə yerində keçiniblər. Ağır yaralanan Zuhal Ərtunc, uşaqları Egehan Ərtunc və Eray Ərtunc təcili tibbi yardım maşınları ilə xəstəxanaya aparılıblar.

Polis insidentlə bağlı araşdırmalara başlayıb.

Namiq