Abşeron rayonunun Novxanı qəsəbəsində yol-nəqliyyat hadisəsi baş verib. Avtosfer.az-ın APA-ya istinadən məlumatına görə, hadisə Novxanı çimərliyi ərazisində  qeydə alınıb. Belə  ki,"Niva" markalı avtomobil "Hyundai" markalı minik vasitəsi ilə toqquşub. Qəza nəticəsində avtomobillərə ciddi ziyan dəyməklə yanaşı, hər iki maşının sürücüsü yüngül xəsarət alıb. Bir müddət avtomobil yolunda tıxac yaranıb və nəqliyyatın hərəkəti dayanıb. Əraziyə yol polisi əməkdaşları cəlb olunub və hərəkət bərpa olunub.

Faktla bağlı araşdırma aparılır.