Oğuzda yük maşını ilə minik avtomobili toqquşub. Avtosfer.az-ın APA-ya istinadən məlumatına görə, hadisə bu gün günorta saatlarında Qaraməryəm-İsmayıllı-Şəki magistral yolunun Oğuz rayonunun Kərimli kəndi ərazisindən keçən hissəsində baş verib.

“Mercedes” markalı minik avtomobili ilə “Hyundai” markalı yük avtomobilinin toqquşduğu qəza zamanı yük maşınının sürücüsü xəsarət almasa da, minik avtomobilinin sürücüsü - Bakı şəhər sakini, 1970-ci il təvəllüdlü Baba Əli oğlu Həsənov və həyat yoldaşı, 1970-ci il təvəllüdlü Sitarə Əvəz qızı Məmmədova aldıqları müxtəlif dərəcəli bədən xəsarətləri ilə Şəki Rayon Mərkəzi Xəstəxanasına aparılıb. Yaralılar xəstəxanada göstərilmiş ilkin tibbi yardımdan sonra Bakı şəhərindəki xəstəxanalardan birinə göndərilib. Faktla bağlı Baş DYP İdarəsinin İstintaq və təhqiqat bölməsində araşdırma aparılır.