Salyan rayonunda 3 nəfərin xəsarət alması ilə nəticələnən yol qəzası baş verib. Avtosfer.az-ın “Report”a istinadən məlumatına görə, hadisə Salyan-Şirvan avtomobil yolunun Noxudlu kəndi ərazisindən keçən körpünün yaxınlığında qeydə alınıb. Rayonun Sarvan kənd sakini, 1993-cü il təvəllüdlü Əliyev Əmrah Füzuli oğlu idarə etdiyi “Mercedes” markalı avtomobillə hərəkətdə olarkən digər maşınla toqquşub. Nəticədə “Mercedes”in sürücüsü və avtomobildə olan Cəlilabad rayonunun Göytəpə şəhər sakinləri - Bəhrəmov Kazım Qasımxan oğlu və onun oğlu Bəhrəmov Elvin müxtəlif dərəcəli bədən xəsarətləri alıb. Yaralılar Salyan Mərkəzi Rayon Xəstəxanasına yerləşdirilib. Faktla bağlı araşdırma aparılır.