Şamaxı rayonunda ölümlə nəticələnən yol-nəqliyyat hadisəsi baş verib. Avtosfer.az-ın APA-ya istinadən xəbərinə görə, hadisə bu gün saat 17:00 radələrində rayonun Çöl Göylər kəndində qeydə alınıb. "KamAZ" markalı yük avtomobili yoldan çıxaraq, 30 metr hündürlükdən dərəyə aşıb. "KamAZ"ın sürücüsü, 1964-cü il təvəllüdlü Sərdar Məmmədov hadisə yerində dünyasını dəyişib. Faktla bağlı araşdırma aparılır.