ABŞ-ın Arkanzas ştatında helikopterin qəzaya uğraması nəticəsində 3 nəfər ölüb, 1 nəfər isə xəsarət alıb.

Avtosfer.az “RİA Novosti”yə istinadən xəbər verir ki, insident iyunun 2-si axşam saatlarında qeydə alınıb. Bu barədə “KNWA News” telekanalı yerli polis və Xüsusi Hallar departamentinə istinadən məlumat yayıb.

Məlumata görə, göyərtəsində 4 nəfərin olduğu ekskursiya helikopteri ştatda “Backwoods” musiqi festivalının keçirildiyi əraziyə düşüb.

Bildirilir ki, xilasedicilər qəzanın baş verdiyi yeri helikopterdə yaralı vəziyyətdə olan sərnişinin təcili xidmətə telefon zəngindən sonra tapıblar.

Qəzanın hansı səbəbdən baş verdiyi açıqlanmır.

Namiq