İngiltərədə yüksək rütbəli polis məşhur bir futbolçunun həyat yoldaşı ilə avtomobildə sevişərkən tutulub. İngilis mediası polis zabiti Qaret Bleyrin “Edinburq” klubunun məşhur oyunçusunun arvadı ilə avtomobildə cinsi əlaqəyə girdiyini iddia edib. Adı açıqlanmayan qadının 40 yaşında olduğu və polislə idman salonlarından birində tanış olduğu xəbər verilir. Bleyr ictimai əxlaq qaydalarını pozduğuna görə vəzifəsindən uzaqlaşdırılıb və barəsində istintaq başlayıb.

Məşhur futbolçunun həyat yoldaşının kimliyinin məlum olduğu, lakin ictimaiyyətə açıqlanmadığı bildirilib. Qadının məsuliyyətə cəlb edilməsi haqda məlumat yoxdur.

//Teleqraf