Yevlaxda avtomobil 54 yaşlı kişini evinin qarşısında vurub. Avtosfer.az-ın "Report"a istinadən məlumatına görə, hadisə axşam saatlarında Yevlax şəhərində qeydə alınıb. "VAZ-2107" markalı avtomobil yerli sakin, 1965-ci il təvəllüdlü Maqsud Quliyevi yaşadığı evin önündə vurub. Müxtəlif bədən xəsarətləri alan piyada xəstəxanaya yerləşdirilib. Onun vəziyyətinin kafi olduğu bildirilir.

Faktla bağlı araşdırma aparılır.