Amerikanın "Honeywell" şirkətinə məxsus "Diamond DA40" tipli birmühərrikli təyyarə cümə axşamı Dubay beynəlxalq hava limanında qəzaya uğrayıb. Avtosfer.az "Report"a istinadən xəbər verir ki, bu barədə "Əş-Şark əl-Ausat" qəzeti yazıb. Nəticədə göyərtədə olan dörd nəfərdən ikisi – pilot və köməkçisi ölüb. Qəzaya ilkin səbəb olaraq texniki nasazlıq göstərilir. Dubay hava limanı qəzadan sonra bir müddət fəaliyyətini dayandırıb. Hazırda ştat rejimində işləyir.