İsveçin məşhur avtomobil istehsalçısı "Volvo” Çin bazarında satdığı 6223 avtomobili təhlükəsizlik məsələləri ilə əlaqədar geri çağırır. Avtosfer.az Azərtac-a istinadən xəbər verir ki, geri çağırılan avtomobillər 2014-2016-cı illərdə istehsal olunmuş "XC90” modeli nəqliyyat vasitələridir. Administrasiyanın mütəxəssisləri hesab edir ki, soyutma sistemindəki nasazlıq mühərrikin alışıb yanmasına səbəb ola bilər. İyunda başlayacaq prosesdə "Volvo” qüsurlu hissələri öz hesabına dəyişəcək.