Şəmkir rayonunda 16 yaşlı yeniyetmə velosipedlə uçuruma düşüb. Avtosfer.az-ın "Report"a istinadən məlumatına görə, hadisə rayonun Yeni Həyat kəndində qeydə alınıb. Belə ki, həmin kəndin sakini, 2003-cü il təvəllüdlü Nizami Malik oğlu Qasımov velosipedlə hərəkətdə olan zaman uçuruma yıxılıb. Ağır xəsarətlər alan yeniyetmə Şəmkir Rayon Mərkəzi Xəstəxanasının Cərrahiyyə şöbəsinə yerləşdirilib. Faktla bağlı araşdırma aparılır.