Oğuzda iki nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın "Report"a stinadən məlumatına görə, hadisə bu gün səhər saatlarında İsmayıllı-Qaraməryəm-Şəki magistralının, rayonun Bucaq kəndi ərazisindən keçən hissəsində qeydə alınıb.

Belə ki, KF-093-FK Gürcüstan dövlət qeydiyyat nişanlı "KİA" markalı avtomobillə, 20-BG-178 dövlət qeydiyyat nişanlı "VAZ-2106" markalı avtomobil toqquşub.

Qəza zamanı hər iki sürücü xəsarət alıb.

Məlumata görə, "KİA" markalı avtomobilin sürücüsü Türkiyə Respublikasının vətəndaşıdır.

Hazırda hadisə yerinə təcili tibbi yardım və polis əməkdaşları cəlb olunub.