Gəncə şəhərində piyadanın vurulması ilə nəticələnən yol-nəqliyyat hadisəsi baş verib. Avtosfer.az-ın "Report"a istinadən məlumatına görə, hadisə şəhərin Atatürk prospektində qeydə alınıb. Belə ki, yolu qarşı tərəfə keçmək istəyən 57 yaşlı Elza Vəliyevanı avtomobil vurub.

Hadisə yerinə hüquq-mühafizə orqanlarının əməkdaşları və Təcili Tibbi Yardım Stansiyasının həkimləıri cəlb olunub. Yaralı qadın "təcili yardım" maşını ilə  xəstəxanaya yerləşdirilib.

Faktla bağlı araşdırma aparılır.