Beynəlxalq otellər şəbəkəsi “Marriott International” Rusiya Federasiyasında işini dayandırmaq qərarına gəlib.

Bu barədə şəbəkənin 3 iyun tarixli məlumatında deyilir. "Dördüncü aydır ki, Ukraynada baş verən münaqişənin ciddi humanitar, sosial-iqtisadi və qlobal təsirləri müşahidə olunur. Bu çətin dövrdə “Marriott” tərəfdaşlarımızın və qonaqlarımızın təhlükəsizliyini təmin etməklə onların rifahının qayğısına qalır. Müharibə başlayandan bəri biz bu dəyişkən hüquqi və geosiyasi mənzərədə fəaliyyət göstərmək qabiliyyətimizi qiymətləndirməyə davam edərək yerdəki komandalarımızla müntəzəm əlaqə saxlayırıq. Martın 10-da biz Moskvadakı ofisimizi bağlamaq və gələcək otellərin açılışını, eləcə də Rusiyada bütün gələcəklə inkişafla bağlı planları və investisiyaları dayandırmaq qərarımızı elan etdik”, - deyə məlumatda bildirilir.

Mənbə: Ekonomiçeskaya Pravda