Baş nazir Nikol Paşinyanın 2-ci Qarabağ müharibəsi zamanı Ermənistan ordusunda qoruyucu jilet və dəbilqə çatışmazlığından xəbəri olub.
Sfera.az erməni mətbuatına istinadən xəbər verir ki, bu fikirləri keçmiş müdafiə naziri David Tonoyan səsləndirib.
"Məsuliyyətlə bildirirəm ki, silahlı qüvvələrin silah-sursatına və hərbi texnikasına, o cümlədən dəbilqə və qoruyucu jiletlərə olan tələbat Ermənistan hökuməti tərəfindən sonuncu dəfə Paşinyanın baş nazir olduğu dövrdə təsdiq edilmiş Silahların və Hərbi Texnikanın İnkişafı Proqramında ətraflı əksini tapıb", deyə o, qeyd edib.
Xatırladaq ki, Tonoyan və daha bir neçə yüksək rütbəli hərbçi hazırda həbsdədir və istifadəyə yararsız təyyarə raketləri almaqda və 4,6 milyon dolları mənimsəməkdə ittiham olunurlar.
Onlar öz günahlarını etiraf etmirlər.
(Bizim.media)